Почетокот на новата календарска година донесе и тажна вест, откако навивачката група Комити денеска се збогуваше од Никола Јордановски – Чичо Коле, една од најмаркантните фигури меѓу црвено-црната армија навивачи.
„Го известуваме целокупното членство, како и сите навивачи и симпатизери на клубот, дека вчера не напушти нашиот член Никола Јордановски – Чичо Коле.
Не постои утеха која што може да ја смири нашата болка што ја чуствуваме во моментов. Чичо Коле ќе биде запаметен по неговата чиста љубов кон Вардар и западната трибина, многуте заеднички приказни на западната трибина и еден од иницијаторите за братството со Војводи.
Упатуваме сочувство до семејството и до најблиските.
Никола Јордановски – Чичо Коле
Засекогаш дел од нас! 🔴⚫️“, објави Комити.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
