Кошаркарот на Денвер нагетс, Никола Јокиќ, се повреди на натпреварот против Мајами хит кој неговиот тим го загуби со 123-147.
Ѕвездата на Денвер излезе од теренот на полувремето откако го повреди левото колено околу три секунди по почетокот на втората четвртина. Повредата се случи кога соиграчот на Јокиќ, Спенсер Џонс, го удри долниот дел од ногата на српскиот кошаркар, повредувајќи го левото колено.
Јокиќ се струполи на подот, држејќи го коленото и грчејќи се од болка. Дополнителните прегледи ќе покажат колку е сериозна повредата на Србинот.
Nikola Jokic is down in visible pain, grabbing his leg.
Prayers up 🙏 🔥 #NBA #MileHighBasketball
pic.twitter.com/ZGIZ4PK4Q0— OutOfSightSports🚀™️ (@OOSSports) December 30, 2025
Во останатите мечеви од синоќешната понуда: Шарлот – Милвоки 113-123, Вашингтон – Феникс 101-115, Бруклин – Голден Стејт 107-120, Торонто – Орландо 107-106, Чикаго – Минесота 101-136, Хјустон – Индијана 126-119, Њу Орлеанс – Њујорк 125-130, Оклахома – Атланта 140-129, Сан Антонио – Кливленд 101-113 и Портланд – Далас 125-122.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
