Фудбалскиот клуб Тетекс продолжува со активно засилување на тимот во пресрет на новата натпреварувачка сезона, откако денеска објави дека потпиша договори со четири нови фудбалери.
Станува збор за 27-годишниот Енис Дервиши, една година помладиот Рихан Зекири, како и со Марко Стојчевски (24 години) и со 21-годишниот Петар Обадиќ.
„Овие фудбалери доаѓаат со искуство, елан и желба, а нивниот ангажман претставува важен чекор во градењето на конкурентен и борбен тим. Цврсто веруваме дека со својата посветеност и квалитет ќе дадат значаен придонес за успехот на Тетекс на теренот и надвор од него.На нашите нови членови им посакуваме искрено добредојде во плаво-белото семејство и успешна сезона полна со здравје, спортска борбеност и победи“, порачуваат од ФК Тетекс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
