Австрискиот тенисер Доминик Тим се пласираше без поголеми проблеми во осминафиналето на Австралија опен. Петтиот носител во третото коло го совлада Адријан Манарин со 6-4,6-2,7-5.
Тим петти пат во низа на еден Грандслем турнир стигнува до осминафиналето, а Французинот го победува седми едноподруго пат. Во следната рунда Австриецот ќе игра против Американецот Тенис Сандгрен кој беше подобар од Германецот Максимилијан Мертерер со 5-7,6-3,7-5,7-6.
Унгарскиот тенисер Мартон Фучович направи уште еден чекор напред на својот најдобар Грандслем во кариерата. Овој 80-ти тенисер во светот се пласираше во осминафиналето на Австралија опен, а досега најдобар резултат му беше првото коло на Вимблдон и на УС Опен.
Фучович во третото коло го победи 93-от тенисер на АТП ранг листата, Аргентинецот Николас Кикес со 6-3,6-3,6-2.
Унгарецот во осминафиналето го чека подобриот од дуелот меѓу бранителот на титулата, Роџер Федерер и Французинот Ришар Гаске.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
