Алехандро Гарначо ги живее најубавите денови во својот живот, суперталентот на Манчестер Јунајтед пред неколку дена го постигна клучниот гол во победата во ФА Купот над Вест хем, а сега доби и повик да дебитира за својата репрезентација.
Аргентинскиот селектор Лионел Скалони го вклучи Гарначо на својот список на играчи за претстојните пријателски натпревари со Панама и со Курасао, давајќи му шанса на 18-годишниот талент да се докаже и меѓу „гаучосите“. Ова ќе бидат први натпревари на Аргентина по освоената светска круна, Скалони на списокот ги вклучи сите освојувачи на мундијалското злато, но и најави дека ќе им даде шанса на неколку помлади играчи да го облечат репрезентативниот дрес.
Гарначо досега постигна четири погодоци за Манчестер Јунајтед и добива се поголема доверба од стратегот Ерик тен Хаг.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
