Александар Павловиќ, играчот на Баерн Минхен кој ја одби Србија за да игра за Германија, нема да може да дебитира за земјата во која е роден во мартовските натпревари. Иако доби повик, сепак, мораше да го откаже учеството за селекцијата за дуелите против Франција и против Холандија поради воспаление на крајниците.
19-годишниот Павловиќ за првпат беше повикан во националниот тим на Германија од страна на селекторот Јулијан Нагелсман.
Павловиќ се најде и на списокот на Србија, меѓутоа на крајот се одлучи да игра за Германија. Тој сакал да донесе одлука после ЕП 2024 година, но кажа дека морал да донесе порано одлука, и се одлучи да игра за земјата во која е роден.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
