Смртта на Диего Армандо Марадона се уште е актуелна тема на фудбалската јавност, а денеска аргентинските медиуми го извршија и токсиколошкиот извештај по извршената обдукција врз фудбалската легенда.
Во него јасно се гледа дека Марадона во деновите пред смртта вооошто не консумирал ниту алкохол ниту пак наркотични средства. Сепак, лекарите не го кријат изненадувањето што не нашле ниту трагови од лекови за работата на срцето. Токму срцев удар беше причината за смртта на Диего, па изненадувачки е што лекарите кои се грижеле за неговото здравје по операцијата на мозокот не му дале ваква терапија, која дефинитивно била неопходна.
„Токсиколошкото тестирање утврдило дека во организмот на Диего Армандо Марадона немало никакви траги од алкохол, ниту пак од наркотици. Исто така, потврдено е дека на Марадона не му биле давани лекови за стабилизација на работата на срцето, што на крајот довело до негова смрт“, се вели во извештајот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
