Томислав Илиев е третото летно засилување за Работнички, откако овој 23-годишен фудбалер вечерва го стави својот потпис на тригодишниот договор со „романтичарите“.
Станува збор за играч кој настапува на позицијата десен бек и кој треба да претставува освежување за одбранбената линија на „романтичарите“, кои следниот месец ги очекуваат натпреварите од квалификациите за Лигата на Европа.
Претходно, тимот на Виктор Треневски се засили и со Стојанче Велинов од Ренова и со Енис Дервиши од Шкендија, а во тек се преговорите за доведување на уште неколку квалитетни фудбалери во таборот на „романтичарите“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
