Домен Превц стана светски шампион во скијачки летови. Најдобриот ски скокач оваа година беше класа за себе на леталницата во Оберстдорф, каде што во третата и четвртата серија само ја зголеми предноста пред најблиските пратители.
Финалната серија од светското првенство во ски-летови немаше никакви возбудувања околу златниот медал, бидејќи водството на Словенецот по три серии изнесуваше дури 48,5 поени.
Тој стана третиот Словенец (по Роберт Крањец и неговиот брат Петер) со титулата светски шампион во поединечна конкуренција во ски-летови.
Неверојатниот Словенец победи со предност од 59,5 поени, што укажува на неверојатна доминација. Среброто му припадна на Норвежанецот Мариус Линдвик, а Јапонецот Рен Никаидо заврши на третото место.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
