Напаѓачот на Реал Мадрид, Родриго, јасно стави до знаење дека нема намера да прифати понуда од Англија – барем не од северен Лондон. Иако Тотенхем покажа интерес, бразилскиот интернационалец не е заинтересиран за трансферот.
Родриго би можел да го напушти „Сантијаго Бернабеу“ ова лето, каде што неговата улога во тимот останува нестабилна и покрај извонредните настапи. Иако е отворен за промена на средниот ред и поголема минутажа, неговите амбиции одат подалеку од средината на табелата на Премиер лигата.
Според шпанскиот новинар Санти Ауна, претставници на Тотенхем го контактирале Реал Мадрид за да се распрашаат за статусот на Бразилецот. Сепак, брзо добиле одговор што не сакале да го чујат – Родриго бара „поголем“ клуб од нив.
Лондонскиот тим кој е актуелен победник на Лигата на Европа, сакал да направи голем трансфер пред да се врати во Лигата на шампионите, но планот брзо пропаднал.
Во последните месеци, Арсенал и Ливерпул се споменуваат исто така како потенцијални дестинации за 24-годишниот Бразилец.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
