Французинот Жереми Тото ги предупреди ракометарите на Вардар дека ќе биде исклучително тешко да се стигне до триумф над Монпелје на утрешниот натпревар од четвртото коло во Лигата на Шампионите.
Монпелје во последното коло од француското првенство неочекувано загуби од Сесон, но Тото потсети дека во претходниот меч од ЛШ оваа екипа го декласираше фаворитот Кил.
„Само со цврста одбрана можеме да го добиеме Монпелје. Мораме да бидеме на највисоко ниво од првата до последната минута на натпреварот. Поразот од Сесон не е нешто што треба пресериозно да се земе во предвид, Монпелје е моќен тим што неодамна го победи Кил. Играат брзо, имаат одлични крила и јасно ни е дека нема да биде лесно“, истакна Тото.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
