Летонија е една од ретките репрезентации против кои традицијата од меѓусебните дуели е целосно на страната на македонскиот национален тим. Статистиката кажува јасно, овие две репрезентации имаат одиграно четири меѓусебни натпревари и сите четири завршиле со победа на „црвено-жолтите“. Она што е интересно, ниту еден летонски фудбалер се нема запишано меѓу стрелците против Македонија, двата погодоци на оваа селекција против нашиот национален тим е автоголови (Георгиевски во 2014 и Велковски во 2019 година)
Серијата почна пред повеќе од десет години, поточно на 5 март 2014 кога Бошко Ѓуроски токму против овој ривал го имаше своето деби на клупата на македонскиот национален состав. Костовски и Агим Ибраими од пенал беа стрелци на головите за Македонија, за победничко деби на новиот предводник, кој до крајот на својата селекторска кариера славеше само уште еднаш (против Луксембург).
Летонија беше наш противник и во квалификациите за ЕВРО 2020, но Македонија излезе како победник и во Скопје и во Рига.
Првиот дуел го одигравме на домашен терен и мина во знакот на Елиф Елмас. „Дијамантот“ влезе во игра на средина од првото полувреме на местото на повредениот Хасани и блесна на овој натпревар постигнувајќи два гола, а првиот гол беше дело на Алиоски.
Летонците сигурно се надеваа на повеќе среќа на домашен терен во Рига, но таму приказната заврши за помалку од 20 минути, со головите на Пандев и Барди.
Последниот меч меѓу Летонија и Македонија се одигра минатиот месец и мина во апсолутна доминација на „црвено-жолтите“ и заслужен триумф од 0-3 преку Атанасов, Ќамили и Елмас, кој со еврогол стави печат на победата.
Четири меча, четири победи, серијата нека продолжи и вечерва.
ПРИЈАТЕЛСКИ НАТПРЕВАР (05.03.2014)
МАКЕДОНИЈА – ЛЕТОНИЈА 2-1 (1-0)
Арена „Тодор Проески“ во Скопје. Стрелци: Костовски 29′, А. Ибраими 73′(п) (М); Георгиевски 66′(аг) (Л). Ж. картони: Б. Ибраими (М); Горкшис (Л).
МАКЕДОНИЈА: Пачовски, Шиков (77′ К. Ристевски), Попов, Демир (64′ Спировски), Мојсов, Георгиевски, Стјепановиќ, Хасани, А. Ибраими, Тричковски (81′ Блажевски), Костовски (60′ Б. Ибраими)
Селектор: Бошко Ѓуровски
ЛЕТОНИЈА: Ванинс, Гокршис, Габовс, Куракинс, Булвитис, Роде, Фертовс (83′ Вишнаковс), Ругинс (75′ Лаздинш), Зјузинс, Рудневс, Шабала (65′ Вишнаковс)
Селектор: Марианс Пахарс
КВАЛИФИКАЦИИ ЗА ЕП 2020 (21.03.2019)
МАКЕДОНИЈА – ЛЕТОНИЈА 3-1 (2-0)
Арена „Тодор Проески“ во Скопје. Стрелци: Алиоски 11, Елмас 29’, 90’ – Велковски 87’ (а.г.). Ц. Картон: Циганикс (Лет) 90’
МАКЕДОНИЈА: Димитриевски, С. Ристовски, Велковски, Муслиу, Алиоски, Николов, Барди, Хасани (23’ Елмас), Трајковски (83’ Маркоски), Пандев (71’ Ристевски), Несторовски
Селектор: Игор Ангеловски
ЛЕТОНИЈА: Ванинс (33’ Стеинборс), Габовс, Дубра, Ос, Максименко, Тарасовс, Исајевс, Циганикс, Ракелс, Сабала (79’ Улдрикис), Карасаускас (68’ Тоберс)
Селектор: Славиша Стојанович
КВАЛИФИКАЦИИ ЗА ЕП 2020 (9.09.2019)
ЛЕТОНИЈА – МАКЕДОНИЈА 0-2 (0-2)
Арена: „Даугава“ во Рига . Стрелци: Пандев 14, Барди 17’. Ж. Картони: Камес, Максименко, Ругинс, Икауниекс (Лет), Бејтулаи, Барди, Адеми (Мак).
ЛЕТОНИЈА: Ванинс, Ругинс, Черномордијс, Максименко, Петерсонс, Кигурс (75’ Пунцулс), Лаизанс, Камес (84’ Сабала), Икауниекс, Гутковскис, Удрикис (46’ Савалниекс).
Селектор: Славиша Стојанович
МАКЕДОНИЈА: Димитриевски, Бејтулаи, Велковски, Муслиу, Алиоски, Адеми, Барди, Елмас(88’ Радески), Трајковски (65’ Несторовски), Пандев (75’ Николов), Тричковски.
Селектор: Игор Ангеловски
УЕФА ЛИГА НА НАЦИИ (10.10.2024)
ЛЕТОНИЈА – МАКЕДОНИЈА 0-3 (0-1)
Арена: „Сконто“ во Рига. Стрелци: Атанасов 35’, Ќамили 70’, Елмас 90’. Ж. Картони: Циганикс (Л), Димоски, М. Ристовски (М)
ЛЕТОНИЈА: Матревиц, Јагодинскис (71’ Улдрикис), Циганикс, Тоберс, Балодис, Јурковскис, Зеленковс (82’ Даскевич), Варславанс, Савељевс (82’ Вапне), Икауниекс, Гутковскис (18’ Ситс).
Селектор: Паоло Николато.
МАКЕДОНИЈА: Димитриевски, Ашковски (55’ Димоски), Алиоски (65’ Ќамили), Манев, Муслиу (55’ Костадинов), Атанасов, Алими, Барди, Бабунски (М.Ристовски 65’), Елмас, Миовски (85’ Велковски).
Селектор: Благоја Милевски
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
