Македонскиот планинар Ѓорги Петков од Гевгелија починал денеска од срцев удар во обид да го освои највисокиот врв во светот, Монт Еверест (8.848 метри).
Како што информираат и од планинарското друштво „Кожуф“, чиј член беше Петков, 63-годишниот алпинист попладнево загинал во обидот да ја искачи највисоката точка на Хималаите.
Веста за смртта на македонскиот алпинист, кој беше дел од експедицијата предводена од британскиот планинар и лидер за комерцијална експедиција, Тим Мосејдеј, е потврдена и од менаџерот на базниот логор Ками Нуру Шерпа.
Според последните информации од планинарското друштво, доктор Ѓорги Петков на овој потфат се решил да замине на 24. март, а според планот искачувањето до Монт Еверест требаше да биде до крајот на месецов по што би бил и шестиот Македонец кој би се искачил на покривот на светот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
