Кревач на тегови Владимир Седов од Казахстан, е пронајден мртов во едно село во Казахстан, а според сведочењето на роднините, извршил самоубиство.
Казахстанската федерација за дигање на тегови ја потврди смртта на спортистот.
„Почина искусниот кревач на тегови, Владимир Седов. Заслужниот мајстор на спортот на Казахстан, учесник на Олимписките игри во 2008 година, повеќекратен шампион и рекордер на земјата од детството е посветен на спортот. Награден е со специјален орден за спортски успеси“, се наведува во соопштението.
Седов во 2009 година освои злато на СП, а во 2016 година беше позитивен на забранети супстанци, поради кои му беа поништени сите резултати кои ги постигнал од 2008 до 2016 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
