Џани Инфантино, претседателот на ФИФА, изјави дека Доналд Трамп, претседателот на Соединетите Американски Држави, потврдил дека иранската репрезентација е добредојдена да учествува на Светското првенство во 2026 година, и покрај моменталните тензии.
Инфантино изјави дека се сретнал со Трамп и дека за време на разговорот се разговарало за учеството на Иран на турнирот што ќе се одржи во Соединетите Американски Држави, Канада и Мексико, објави бриселскиот „Политико“.
Според него, Трамп нагласил дека иранската репрезентација е „секако добредојдена“ да се натпреварува.
Иран веќе се квалификуваше за Светското првенство во 2026 година и се очекува да одигра три натпревари од групната фаза во Лос Анџелес и Сиетл, но неговото учество е доведено во прашање во последните недели поради ескалацијата на конфликтот меѓу САД и Иран.
Пред десет дена, Трамп, заедно со израелските сојузници, започна воена офанзива против Иран, проследена со воздушни напади и регионална одмазда со беспилотни летала и ракети од Техеран.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
