Американскиот претседател Доналд Трамп, решен да влијае врз организацијата на Олимписките игри во Лос Анџелес во 2028 година, во среда формираше олимписка работна група со која ќе претседава, ризикувајќи судир со локалните демократски власти.
Американскиот претседател ја потпиша повелбата на работната група пред камера и вети дека ќе ја мобилизира целата федерална влада за да се обезбеди дека Олимписките и Параолимписките игри ќе бидат безбедни, непречени и историски успех. Оваа работна група ќе вклучува голем број министри и блиски советници, како и потпретседателот Џ.Д. Венс.
Лос Анџелес беше избран за домаќин на Олимписките и Параолимписките игри во 2028 година во септември 2017 година, за време на првиот мандат на Трамп.
„Ќе направиме сè што можеме за да ги направиме овие Игри безбедни, вклучително и користење на Националната гарда и активниот воен персонал“, рече Доналд Трамп.
Претседателот на организацискиот комитет, исто така, објави дека олимпискиот пламен ќе патува во сите 50 американски држави и му рече на Доналд Трамп дека ако сака да биде носител на факелот, тој е „повеќе од добредојден“. Патем, Трамп го носеше олимпискиот оган низ улиците на Њујорк пред Олимписките игри во Атина во 2004 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
