Манчестер Јунајтед би можел да се обиде да го ангажира талентираниот играч за врска на Манчестер Сити, Џејмс Мекати. 22-годишниот Англичанец импресионираше со своите игри за „граѓаните“ откако се врати на „Етихад“, откако претходно помина две сезони на позајмица во Шефилд Јунајтед . Тој постигна седум гола на 25 натпревари во сите натпреварувања оваа сезона.
Мекати има договор со Сити на уште една година, но сака гаранции за поголема минутажа следната сезона, што може да доведе до негово заминување. На менаџерот Пеп Гвардиола му се допаѓаат квалитетите на играчот, но тешко дека може да му обезбеди поголема минутажа. Уште повеќе, следната сезона конкуренцијата ќе стане уште поголема, бидејќи Шпанецот планира да доведе уште еден офанзивен играч за врска. Меѓу поврзаните имиња се и Морган Гибс-Вајт и Флоријан Вирц. Ова ќе ги намали надежите на Мекати дека би можел да добие повеќе шанси по заминувањето на Кевин де Бруине.
Од друга страна менаџерот на Манчестер Јунајтед, Рубен Аморим планира сериозно реновирање на својот тим. Ќе си заминат Касемиро и Кристијан Ериксен , па треба да се подмлади средниот ред.
Доколку Јунајтед успее да го обезбеди Мекати, тој би можел да стане 15-тиот играч кој играл за првиот тим на двата гиганти од Манчестер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
