Францускиот гигант Пари Сен Жермен е еден од финансиски најмоќните клубови во светот, па оттаму и секојдневно се појавуваат нови информации за можни засилувања за „светците“ во зимскиот преоден рок. Јасно е дека ПСЖ сака да купи нов голман, а битката се води меѓу Џанлуиџи Донарума и Јан Облак.
Шпанските медиуми откриваат дека раководството на ПСЖ подготвило понуда за купување на словенечкиот репрезентативец Јан Облак. Тој има договор со Атлетико Мадрид до 2021 година и отштетна клаузула од 100 милиони евра, а Пари Сен Жермен сака во зделката да вклучи уште двајца свои фудбалери.
Парискиот клуб е подготвен да ги испрати голманот Кевин Трап и аргентинскиот интернационалец Хавиер Пасторе како дел од пакетот за трансферот на Јан Облак, и останатиот дел да го покрие со сума од околу 65 милиони евра. Сега на потег се Атлетико Мадрид и тренерот Диего Симеоне…
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
