Повремениот македонски репрезентативец Кристијан Трапановски имаше извонредно деби на официјален натпревар во дресот на својот нов клуб, шкотскиот Данди јунајтед.
Во Лига купот на Шкотска, Данди јунајтед убедливо со 3-0 победи против Стенхаусмур и тоа благодарение само на македонскиот крилен офанзивец, Кристијан Трапановски кој запиша две асистенции и еден гол.
„Уживав на овој натпревар, мој прв меч на домашен терен. Навистина сум среќен што асистирав и дадов гол. Не можев да посакам подобар старт, се надевам дека така ќе биде и на следниот меч“ – истакна Трапановски по мечот, на кој во дресот на Данди дебитираше и Давид Бабунски, притоа дополнувајќи:
„Тренерот бара од нас крилните офанзивци да влегуваме малку внатре, па имаме слобода во играта. Се надевам дека ќе имаме многу голови во иднина“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
