Рубен Лофтус Чик беше најавуван како сигурен стартер за Милан на вечерашното дерби со Наполи, но англискиот интернационалец заврши во болница и мораше итно да биде опериран.
Тој се пожалил на болки во стомакот, по што било утврдено дека има проблеми со „слепото црево“ и експресно бил опериран. Информациите од Италија велат дека Лофтус Чик се чувствува добро, но ќе биде надвор од тренажен процес најмалку десетина дена, уште еден во серијата проблеми за тренерот Серџо Консеисао.
Со ова, продолжуваат малерите сезонава за англискиот фудбалер во Милан, кој поради серијата повреди има само 22 настапи во дресот на „росонерите“, со само една асистенција зад неговото име.
Италијанските медиуми најавуваат дека Консеисао повторно не бил задоволен од залагањето на тренинзите на сонародникот Рафаел Леао, па крилниот офанзивец ќе го почне вечерашното дерби на клупата за резерви.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
