Тимот на Академија Пандев за првпат во клупската историја го освои трофејот во Купот на Македонија. Во 27.финале бепе поуспешен од Македонија ЃП по подобро изведување пенали (4-2). Во регуларниот тек, а и по продолженијата, мечот заврши 2-2.
Тренерот на Академија Пандев, Југослав Тренчовски, заслугите им ги препиша на фудбалерите, честитајќи му и на противникот за коректниот натпревар.
„Ова е голем ден за Академија Пандев, првпат во историјата го освоивме трофејот во Купот на Македонија. Честитки за фудбалерите, одигравме квалитетно финале, покажавме карактер и голема желба за триумф. Се играше отворен фудбал, беа постигнати четири гола, а пеналите се лотарија, имавме подобра концентрација и се разбира, среќа. На најдобар начин ја заокруживме оваа сезона“, изјави тренерот на Академија Пандев, Југослав Тренчовски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
