Охрид остана без бодови во трилер-дуелот со Фени индустри, а поради бурните реакции кон судиите тренерот Петар Чочороски заработи сериозна казна. Имено, тој нема да може да ја води екипата во следните две кола, а згора на тоа Чочороски ќе треба да плати и парична казна од 38.000 денари, поради техничката и исклучувачката лична грешка што му биле досудени за време на дуелот во Кавадарци.
Комесарот за натпреварување Владимир Цветковски му ги изрече овие казни на стратегот на охриѓани, но суспензија од два натпревари заработи и судијата Михајловиќ, кој нема да биде делегиран во следните две кола. Охриѓани најавиле и жалба, но истата не била земена на разгледување бидејќи не е уплатена пропишаната такса, според најновиот Билтен на Комесарот за натпреварување.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
