Бојан Миовски повторно беше херој на Абердин, со гол од пенал во 100. минута спречувајќи пораз на својот тим на гостувањето против Сент Мирен.
Македонскиот ас извонредно ја стартуваше и оваа сезона што беше причина Саутемптон да покаже сериозен интерес за негов ангажман. Сепак, тренерот Бери Робсон по мечот со Сент Мирен јасно стави до знаење дека иднината на Миовски е во Абердин.
„Миовски не мрда од Абердин, убеден сум во тоа. Сите знаат колку е значаен тој за нашиот клуб и верувам дека ќе остане“, изјави Робсон.
Следен предизвик за Миовски и соиграчите е реваншот на домашен терен од баражот за Лигата на Европа против шведски Хакен, откако првиот меч заврши 2-2.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
