Кливленд победи синоќа како гостин против Торонто во првиот меч од полуфиналето во Источната конференција од НБА лигата. Кливленд предводен од Леброн Џејмс дојде до брејк триумф по продолжение со 112-113.
Торонто испушти победа во регуларниот дел од мечот. Имаше константно водство, предност на моменти и од +14, но попушти во самиот финиш. Прво Леброн погоди за израмнување (105-105) на 30 секунди пред крајот, а потоа Репторси му дозволија и шут за победа, но промаши. Во продолжението Кавси беа подобри за конечен триумф.
„Кралот“ дојде до „трипл-дабл“ од 26 поени, 13 асистенции и 11 скока, ЏејАр Смит дополни со 20 поени а Кајл Корвер постигна 19 поени. Кај Торонто одлични беа Демар ДеРозан со 22 поени и Валанчиунас со 21 поен и 21 скок.
Актуелниот шампион Голден стејт славеше на вториот меч од полуфиналето против Њу Орлеанс со 121-116, па поведе со 2-0 во серијата.
Стеф Кари имаше фантастично враќање на паркетот по повредата, и за 27 минути постигна 28 поени. Поефикасен од него беше само Кевин Дурант со 29 поени.
Stephen Curry hits his first shot back. pic.twitter.com/kp4q2UpJaQ
— Legion Hoops (@LegionHoops) May 2, 2018
На спротивната страна, Ентони Дејвис запиша 25 поени и 15 скока, а Холидеј постигна 24 поени со осум асистенции и осум скока. Раџон Рондо беше одличен со 22 поени, 12 асистенции и 7 скока.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
