Кире Лазаров и Нант забележаа нова победа во Лигата на шампионите, оправдувајќи ја фаворитската улога против Скјерн со триумф на домашен терен од 35-27. Овој меч беше реприза од ланското четвртфинале во ЛШ, а францускиот состав знаеше како да ја искористи предноста што игра пред своите верни навивачи и прокнижи планирани бодови. Гостите добро парираа во првото полувреме што заврши со само еден гол разлика, за потоа Нант целосно да доминира во вториот дел и да стигне до убедлива победа.
Лазаров постигна четири гола од вкупно десет обиди, а најефикасни кај Нант беа Балагер со седум и Ривера и Клер со по пет погодоци.
Жарко Пешевски со тимот на Мотор по голема битка загуби пред своите гледачи од Пик Сегед со минимални 31-32. Македонскиот пивот одигра извонредно постигнувајќи пет гола, со што беше втор стрелец во својот тим зад Козакевич со осум погодоци.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
