Димитар Димитриоски и Мартин Карапалевски настапија за Валјадолид на премиерниот меч од новата сезона во шпанската АСОБАЛ-лига, на кој нивниот тим ремизираше 34-34 против составот на Морацо.
Двајцата Македонци и нивните соиграчи можат да жалат за ваквиот исход, ако се знае дека на полувреме имаа предност од пет гола (17-12), но Валјадолид одигра катастрофално во одбраната во вториот дел, прими дури 22 гола и на крајот мораше да се задоволи само о еден бод.
Карапалевски, кој летово од Вардар се пресели во Валјадолид, постигна три гола на своето деби во АСОБАЛ-лигата. Подеднакво прецизен беше и Димитриоски, кој како лево крило постигна три гола од четири обиди.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
