Црвена Звезда славеше со 1-0 против Партизан во 164. вечно дерби во Србија, по што веќе се поизвесно чекори кон нова титула во шампионатот на северниот сосед.
Во крајно израмнет натпревар во кој Партизан беше подобар во првиот дел со неколку неискористени 100% шанси за погодок, и една погодена греда, на крај во вториот дел „црно-белите“ беа казнети со голот на Иваниќ во 58. минута за конечна победа на „црвено-белите“.
1-0 Zvezda! Ivanic with the header from a corner. pic.twitter.com/CzySwW4kPB
— Richard Wilson (@timomouse) April 7, 2021
Во 88. минута Сума имаше извонредна шанса за израмнување, но Борјан ја одбрани Црвена Звезда. Ова е 65. победа за Црвена Звезда во пресметките со Партизан кој остана на досега 47 победи против најголемиот ривал.
Во последните 16 меѓусебни натпревари ова е само трета победа за Црвена Звезда, која сега со 86 бода на врвот е со огромни 12 бода предност пред Партизан, на осум кола до крајот на првенството.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
