Младиот грчки тенисер продолжува со одличните игри по освојувањето на завршниот АТП куп во Лондон. Тој денеска на егзибицискиот турнир во Абу Даби го совлада Новак Ѓоковиќ со 2-1 по сетови (3-6, 7-6 и 6-4).
Србинот фуриозно го почна мечот. Брзо стигна до предност од 5-1, која успеа да ја задржи и да го добие првиот сет со 6-3. Во вториот сет Циципас влезе многу побрзо. Стигна до ран брејк и успеа да поведе со големи 5-1. Следуваше серија на Ѓоковиќ кој успеа да израмни на 5-5 и целосно да се врати во игра. Сепак, Гркот успеа да се консолидира и да го добие тај-брејкот со 7-4 и да го однесе мечот во одлучувачкиот трет сет. Во третиот сет Гркот подобро се снајде за конечен триумф од 2-1.
Во второто полуфинале првиот рекет на светот, Рафаел Надал ќе игра со Русинот Карен Хачанов. Претходно, во мечот за петото место Андреј Рубљов го совлада Чунг со 2-0 (7-6 и 7-6).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
