Црн ден за фаворитите во 26. коло од Првата македонска фудбалска лига. Ниту една победа за трите водечки екипи во шампионатот. Вардар ја реши Струга ТЛ победувајќи со 1-0, а конечно победа славеше и Брегалница и тоа против кандидатот за титула Шкупи триумфирајќи со 1-0 во Штип. Шкендија ремизираше (1-1) на гостувањето против Македонија ЃП.
Тиквеш убедливо со 3-1 славеше против АП Брера, а без победник (1-1) заврши дуелот во Охрид меѓу Воска спорт и Работнички.
Брегалница под водство на новиот тренер Трајче Сенев одигра одличен натпревар во Штип. На дебито на клупата, Сенев дојде до победа од 1-0 против Шкупи. Голот за победа за Брегалница беше дело на Пепи Ѓорѓиев уште во 7. минута од натпреварот.
Во Ѓорче Петров, Шкендија имаше предност од 0-1 со голот на Красниќи во 23. минута.
Но, Македонија ЃП успеа да израмни со голот на Жилберто во 36. минута од натпреварот.
Вардар дојде до голема победа против лидерот Струга ТЛ од 1-0 на стадионот „Борис Трајковски“ во Маџари.
Триумфот за „вардарци“ го донесе српските интернационалец Ѓуриќ во 73. минута, со својот прв погодок во дресот на најтрофејниот македонски клуб.
Тиквеш сосема заслужено славеше против АП Брера со 3-1. Кавадарчани дојдоа до предност против АП Брера во Кавадарци со погодокот на Малески во 19. минута од средбата.
Но, откако гостите израмнија во 32. минута со голот на Ристевски, потоа во 36. минута Сантош Силва од пенал повторно го врати водството за кавадарчани.
Во второто полувреме Спахиу со гол во 69. минута заокружи на 3-1.
Воска Спорт и Работнички ги поделија бодовите во Охрид. Воска брзо поведе со голот на Марушиќ во 19. минута.
Но, „романтичарите“ успеаја да израмнат со погодокот на Стојановски во 30. минута.
ПМФЛ – 26. КОЛО
Штип: БРЕГАЛНИЦА – ШКУПИ 1-0
Ѓорѓиев 7′
Скопје: МАКЕДОНИЈА ЃП – ШКЕНДИЈА 1-1
Жилберто 36′ – Красниќи 23′
Кавадарци: ТИКВЕШ – АП БРЕРА 3-1
Малески 19′, Сантош Силва 36′(п), Спахиу 69′ – Ристевски 32′
Скопје: ВАРДАР – СТРУГА ТЛ 1-0
Ѓуриќ 73′
Охрид: ВОСКА СПОРТ – РАБОТНИЧКИ 1-1
Марушиќ 19′ – Стојановски 30′
ВЧЕРА
Кратово: СИЛЕКС – ГОСТИВАР 0-0
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
