Шпанската полиција уапси 83 лица, од кои 28 тенисери поради обвинувања за наместени мечеви на Фјучерс и Челенџ турнирите, објави Европол.
Според првичните информации меѓу уапсените е и еден тенисер кој лани играл на УС Опен, а под сомнение се дури 97 тениски мечеви.
Организатор на целата акција е криминална група од Ерменија, која ги поткупувала тенисерите за да влијае на резултатите и така стекнала голема финансиска добивка.
Во акцијата на шпанската полиција запленети се 167.000 евра, пушка и повеќе од 50 електронски уреди, кредитни картички, како и пет луксузни автомобили, а блокирани се 42 банкарски сметки.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
