Еден од најдобрите европски центри во НБА лигата, Никола Вучевиќ би можел наскоро да ја промени средината откако интерес за трејд на кошаркарот на Чикаго покажаа повеќе екипи кои претендираат и за најголем успех.
Искусниот Црногорец оваа сезона игра одлично за Чикаго бележејќи просек од 20.7 поени, 9.8 скокови и 3.2 асистенции по натпревар, но неговиот тим нема шампионски амбиции. Напротив, Булс целат кон нов „ребилдинг“ па и самите се заинтересирани за промени.
Вучевиќ е мета на Голден Стејт и Феникс кои во него гледаат идеални замени за успех оваа сезона. Доколку премине во Феникс тоа најверојатно би значело и директна замена со уште еден кошаркар од „поранешна Југославија“, репрезентативецот на Босна и Херцеговина, Јусуф Нуркиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
