Црвена Звезда ќе биде значително ослабена за утрешното вечно дерби против Партизан во рамките од Евролигата, откако двајца стандардни кошаркари на „црвено-белите“ отпаднаа од комбинација за настап на овој дуел.
Немања Недовиќ се повреди во последното евролигашко коло против Виртус Болоња, тој доби одмор во АБА-лигата против ФМП, но одличниот шутер не успеа да се рехабилитира навреме. Новиот тренер Сферопулос нема да може да смета ниту на капитенот Лазиќ, големиот борец се повреди на дуелот со ФМП, по што ќе мора да мирува најмалку десетина дена.
Останува да се види како новиот стратег на Црвена Звезда ќе го подготви тимот за „вечното дерби“, особено ако се знае дека Партизан ќе биде дополнително мотивиран по шокантниот пораз од Мега на последниот АБА-лигашки дуел.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
