Кошаркарите на Црвена звезда се вратија на победите во Евролигата откако вечерва на домашен терен славеа против израелскиот Макаби Тел Авив со 81-73 во меч од 17. коло во елитното натпреварување.
Домаќините почнаа одлично па веќе во првата четвртина имаа позитива од шест поени 21-15. До полувремето таа само се зголемуваше, а веќе на пауза предноста на белграѓани беше двоцифрена (48-33).
Во вториот дел избраниците на Сферопулос само рутински го приведоа мечот до самиот крај за конечен триумф од 81-73. Џоел Боломбој со 17 поени беше прво име во таборот на победникот додека кај поразените Соркин постигна 21 поен.
Виртус Болоња славеше на домашен терен против Барселона со 85-81, додека Олимпијакос беше подобар од Алба со 90-85.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
