Кошаркарските клубови Црвена звезда и Партизан наводно влегле во процес на добивање „А“ лиценца за елитното европско натпреварување. Како што објавува грчка „Газета“, повикувајќи се на извори од Израел, барањето го поднеле осум тима, а меѓу нив се и „вечните“ ривали.
Освен српските клубови, тука се и Виртус Болоња, Дубаи, Монако, Хапоел Ерусалим, Хапоел Тел Авив и Валенсија. Ова прашање веќе треба да се дискутира на Управниот одбор на Евролигата, кој е закажан за 13 јануари.
Како што се додава, клубовите го гледаат овој потег како начин да ја обезбедат својата долгорочна иднина и рамноправен статус во континенталното натпреварување. Ова е поткрепено од пробивот на НБА во Европа, поради што дури и претставниците на Евролигата не можат да седат со скрстени раце и да ги губат своите најдобри тимови.
Звезда и Партизан, меѓу другите, во ова ја видоа својата шанса да го обезбедат своето место.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
