Кошаркарскиот клуб Црвена Звезда ќе заработи два милиони евра од заминувањето на талентираниот бек Никола Топиќ во НБА лигата доколку неговиот договор биде гарантиран, што и се очекува.
Во ноќта помеѓу среда и четврток еден од најталентираните кошаркари на генерацијата 2005 од овие простори беше одбран како 12. пик од страна на Оклахома Сити Тандер. И покрај тоа што се очекува тој да не премине веднаш во НБА лигата туку да остане во Европа, согласно со тоа што е одбран во првата рунда му следува четиригодишен договор (2+1+1) од кој може да се откаже само кошаркарот.
Топиќ изминатата сезона ја започна во редовите на Мега како позајмен играч од Црвена Звезда, а за вториот дел од сезоната се врати во редовите на „црвено-белите“. Сепак не успеа да го покаже целиот потенцијал поради повеќе повреди кои го спречија и да ја заврши сезоната.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
