Анадолу Ефес за првпат по подолго време врза две победи во серија во Евролигата, на домашен терен триумфирајќи над Црвена Звезда со убедливи 89-67. Триумфот е уште позначаен ако се знае дека Црвена Звезда во втората четвртина водеше со двоцифрена разлика, но Ефес успеа да се врати.
Отуру беше клучен играч во камбекот во вториот период, а по вратената самодоверба на домашните кошаркари Ефес го крена нивото во одбрана, создавајќи им огромни проблеми на „црвено-белите“ од Белград. Клучна беше серијата од 13-0 на стартот од четвртата четвртина со која турскиот тим се одлепи резултатски и на крајот славеше со убедливи 89-67.
Брајант и Отуру постигнаа по 17 поени во овој импресивен триумф на Анадолу Ефес, додека најефикасни во таборот на Црвена Звезда беа Петрушев со 15 и Милер Мекинтаер со 10 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
