Црвена Звезда вечерва пред своите навивачи во салата „Александар Николиќ“, успеа вторпат по ред да го совлада Партизан во финалето во АБА лигата (68-56), и да израмни во серијата на 2-2, со што ќе следува мајсторка во „Штарк Арената“ за освојувачот на големиот пехар ов регионалното натпреварување.
„Црвено-белите“ одлично ја одиграа првата четвртина, во која се стекнаа со седум поени предност, за на полувреме да заминат со осум. Нивната добра игра продолжи и во третата четвртина, во која во еден момент имаа предност од неверојатни 17 поени разлика (49-32).
Партизан се обиде да се врати во последниот период, имаше на моменти само пет негатива, но секогаш Звезда наоѓаше решение, а во финишот беше со посилни нерви и го доби овој меч.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
