Поранешниот српски репрезентативец Душан Тадиќ доби примамлива понуда од Црвена Звезда за враќање во татковината при крајот на богатата кариера.
Според српските медиуми 36-годишникот доби понуда за двегодишен договор со можност за продолжување уште една сезона. Годишна нето плата од 2 милиони евра, бонуси: 200 илјади евра за пласман во Лигата на шампионите, 30 илјади евра по освоен бод во ЛШ, 5 илјади евра за секој гол или асистенција во ЛШ и Лига Европа, 5 илјади евра по бод во ЛЕ, 30 илјади евра за освоена титула во српската Суперлига, 10 илјади евра за освојување на Купот, 5 илјади евра за секој гол или асистенција во домашни натпревари.
Овој договор би бил рекорден за српскиот фудбал, а клубот разгледува и можност по завршување на кариерата, Тадиќ да добие директорска улога во Црвена ѕвезда.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
