Црвена Звезда претрпе пораз на гостувањето во Лион кај Вилербан во Евролигата, и така го запиша 12-тиот пораз, додека за Лион ова беше само четвртиот триумф во најелитното европско натпреварување. На крајот Асвел славеше триумф од 100-91, остварен со одличната игра во последниот период.
Црвена Звезда подобро го отвори мечот, имаше водство речиси во поголемиот дел од првата четвртина, но таа заврши со нерешени 25-25. Нешто подобра игра на Асвел во вториот период, и на предност Французите заминуваат со предност со три разлика.
Во вториот дел Асвел не успеа да се одлепи многу, се до финишот кога во еден момент имаше +11 на средината од последната четвртина, и тука беше клучот на победата. Белградскиот тим направи неколку клучни грешки, кои беа казнети од Лион и на крајот дојде победата.
Недовиќ беше најефикасен со 26 поени, додека кај победничкиот тим Ли постигна 23.
Неизвесно беше и на мечот во Валенсија, каде домашниот тим го пречека Жалгирис. Гостите беа подобри во првиот дел, но Валенсија успеа да се врати во второто полувреме. Двата тима се сменија во водствата во последната четвртина. Жалгирис, сепак, со неколку поени на крајот ги казни грешките на домашните кошкари, и стигна до триумфот 79-84.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
