Црвена Звезда уште повеќе се зацврсти на чело на табелата во српскиот шампионат откако актуелниот првак славеше на вечното дерби против Партизан со 1-0. „Црно-белите“ се надеваа дека тренерската смена ќе делува како шок-терапија, но Дуљај не успеа да стигне до победничко деби, а поразот значеше и сведување на теорија на шансите за првото место на табелата.
Мечот беше решен на самиот почеток, откако Виго нафрли од десната страна, топката имаше чудно движење и го изненади голманот на Партизан, завршувајќи во мрежата.
„Црвено-белите“ го контролираа темпото на натпреварот, не дозволувајќи Партизан да стигне до израмнување, додека гостите го завршија мечот со играч помалку, по исклучувањето што во 90. минута го заработи Рикардо, видно изнервиран по големата шанса што не ја реализираше пет минути претходно.
Црвена Звезда е убедливо прва на табелата со вкупно 16 бода предност во однос на Партизан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
