Тренерот на Баерн Минхен, Томас Тухел претрпи доста критики од страна на легендарниот Лотар Матеус. Матеус после елиминацијата на Баерн во Купот од Сарбрикен упати тешки зборови против Тухел, а на овој не му требаше многу време да му врати.
Тухел се поздрави со него, но не го погледна во текот на интервјуто за „Скај Спорт“ после победата во Дортмунд од 0-4.
„Дури и со тензија помеѓу играчите и тренерот и мал напредок на тимот кој постигнува, успеавме убедливо да победиме тука. Многу изненадувачки резултат. Зошто моментално ја играме нашата најдобра партија? Прашајте го Лотар. Тој е стручњак“, рече иритантно Тухел по дербито во Дортмунд.
Матеус со насмевка се обиде да го смири Тухел, а овој му одговори брутално.
„Да сте задоволни од нашето ниво, би било и Велигден и Божиќ во исто време“, рече тренерот.
— follow @TuchelCam (@TuchelCam_) November 5, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
