Македонската репрезентација до 17 години, загуби на првиот квалификациски натпревар за пласман на ЕП од Исланд со убедливи 3-0. Со тоа Македонија лошо ги стартуваше квалификациите, во кои сме уште и со Франција и со Луксембург.
Исланѓаните за само пет минути во првиот дел се стекнаа со водство од 2-0. Во 25. минута Кјартансон ги донесе гостите во водство од 0-1, а потоа Гудјонсен во 30. минута зголеми на 0-2 по една супер акција.
Само што почна вториот дел, Гудјонсен во 48. минута зголемува и на 0-3 за конечен триумф на Исланѓаните.
За три дена Македонија игра против Франција, а во последното коло против Луксембург. Сите натпревари се играат на тренинг центарот „Петар Милошевски“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
