Македонската репрезентација за играчи до 19 години беше на работ на фантастичен успех со пласман во главната фаза од квалификациите за ЕП, но и покрај денешната победа над Луксембург нашите млади играчи не стигнаа до посакуваното второ место откако во вториот меч од групата Чешка и Хрватска ремизираа 2-2.
Нашите млади фудбалери го завршија својот дел од задачата со победата од 2-0 над Луксембург, прв триумф на „црвено-жолтите“ во овие преткваликации. Талески го отвори резултатот во 19. минута, а во 72. минута прецизно стрелаше и Фазлагиќ, резултат што гарантираше скок на втората позиција со оглед на фактот дека на вториот меч Чешка до пред самиот крај имаше предност од 2-1 против Хрватска.
Сепак, иницијативата на „коцкестите“ вроди со плод во 89. минута, кога Палаверса ја затресе мрежата на домаќинот на овој турнир, за реми од 2-2 и пласман на Хрватите на второто место на табелата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
