Лондонската полиција приведе 53 лица пред и за време на финалето од Лигата на шампионите меѓу Реал Мадрид и Борусија Дортмунд.
„Полицајците уапсија 53 лица на Вембли, пет за инвазија на теренот и мнозинството за обиди за прекршување на безбедноста. Големите спортски настани често ги привлекуваат оние кои немаат билети да ја заобиколат оградата или на друг начин да влезат“, рече командантот на Метрополитенската полиција Луиз Пуддефут.
„Уверени сме дека повеќето обиди да се добие нелегален пристап до Вембли оваа вечер беа неуспешни благодарение на напорите на официјалните лица, стјуардите и другиот персонал на стадионот“, додаде таа.
Портпаролот на Вембли ги осуди „постапките“ на навивачите кои втрчаа на теренот.
„Сите лица се уапсени. Ќе ги поддржиме властите да обезбедат преземање соодветни мерки“, рече портпаролот на стадионот Вембли.
Англиските медиуми пренесуваат дека контроверзниот руски инфлуенсер им ветил 300.000 фунти на навивачите кои истрчале на теренот.
Овие пропусти дојдоа и покрај „одбраната“ која чинеше 5 милиони фунти што ја постави Фудбалската асоцијација за да се избегне повторување на лошите сцени на ЕУРО 2020 кога стотици навивачи влегоа на стадионот без билети.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
