Јувентус скапо ја плати синоќешната победа над Лацио, откако Леонардо Бонучи заработи незгодна повреда на скочниот зглоб поради која ќе мора да мине подолг период надвор од терените.
„Не е добро“ – кратко прокоментира тренерот Алегри на синоќешната прес-конференција, а резултатите од денешните детални лекарски прегледи само ги потврдија зборовите на стратегот на „старата дама“.
Повредата не е нималку наивна и првите прогнози се дека Бонучи нема да може да се врати на терените најмалку еден месец. Ова значи дека тој ќе пропушти неколку важни домашни натпревари, но и првиот дуел од осминафиналето во ЛШ против Ателтико Мадрид.
Проблемите на Алегри се уште поголеми ако се знае дека Бенатија се подготвува за трансфер во Катар, а Барѕалји веќе подолго време е повреден, па Ругани и Кјелини се двајцата здрави дефанзивци што Јуве ги има во своите редови во моментов, заедно со новодојдениот Касерес кој се уште е далеку од очекуваната форма според Алегри.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА