Италијанскиот калчолигаш Удинезе не сака да го пушти македонскиот интернационалец Илија Несторовски во Сампдорија, откако посериозно се повреди Жерар Делофеу пренесуваат италијански медиуми.
Несторовски е во фокусот во Италија поради можен трансфер шест месеци пред да му истече договорот. Имаше заинтересираност од второлигашот Реџина, а заинтересиран е и тренерот на Сампдорија Дејан Станковиќ кој бара секаква можност за спас од испаѓање.
Иако Несторовски е дури четврти напаѓач на Удинезе црно-белите го блокираат трансферот поради повредата на Делофеу и дека заминувања од клубот ќе бидат можни само на лето, кога на Несторовски му истекува договорот.
Македонскиот репрезентативец е дел од Удинезе од летото 2019 година кога Палермо банкротираше, па дојде како слободен играч, а летоска го продолжи договорот на „Дачија Арена“ за една сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА