Натпреварот меѓу Македонија и Косово во полуфиналниот бараж од Лигата на нациите за пласман на Европското првенство, би можел да се игра со навивачи, но само доколку такво нешто дозволуваат законските можности на земјата домаќин. Македонија и Косово треба да играат на 8. октомври на националната арена „Тодор Проески“ во Скопје.
Како што пренесуваат дел од европските медиуми по ждрепката за групната фаза од Лигата на шампионите, УЕФА дозволила навивачи на натпреварите во сите нејзини натпреварувања до крајот на годината, вклучително и натпреварите од Лигата на нации закажани за следната недела.
„Дозволено ќе биде пополнување 30% од капацитетот на стадионот, со тоа што нема да биде дозволено гостински навивачи и сето тоа ќе биде и во корелација со домашните закони“ – е одлуката од УЕФА.
Breaking: UEFA will allow fans to return to all of its matches — starting with next week’s national team games.
Capacities capped at 30% and dependent on local laws and no away fans allowed yet
— Rob Harris (@RobHarris) October 1, 2020
Капацитетот на националната арена „Тодор Проески“ е 33.000 седишта, што значи УЕФА би дозволило присуство на 11.000 домашни навивачи. Но, се разбира пресудно околу сето тоа ќе бида одлуката на Комисијата за заразни болести и Министерството за здравство кои во Македонија строго забрануваат натпреварувања со присуство на публика.
УЕФА дала зелено светло и за навивачи на натпреварите од групната фаза во Лигата на шампионите и Лигата на Европа под истите услови, со исполнетост од 30% од капацитетот на стадионот и без гостински навивачи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
