Фудбалската асоцијација на Гибралтар, соопшти дека домашните натпревари ќе ги игра на стадионот во Фаро, Португалија. Дуелите од Лигата на Нации оваа земја ги играше на Викторија стадионот, кој е со вештачка трева, и кој не ги исполнува потребните услови на УЕФА.
На овој стадион гостуваше и Македонија во минатото издание на Лигата на Нации, а гостуваше и Шкупи кога ги одмери силите со Линколн. Меѓутоа УЕФА повеќе не дозволува оваа земја да игра на тој стадион.
Во тек е изградба на стадион во јужниот дел од Гибралтар, па додека биде готова изградбата, селекцијата ќе ги нагости репрезентациите во Фаро. Во исто време на Гибралтар му е наложено да ги подобри и сместувачките капацитети, доколку сака во иднина да ги игра мечевите во квалификациите на свое тло.
Гибралтар во квалификациите се падна со Грција, Холандија, Франција и Р. Ирска, и нема никакви шанси да се пласира на ЕВРО 2024 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
