Европската куќа на фудбалот денеска и официјално соопшти дека деталите околу иницијалната фаза за аплицирање за Супер купот 2017 кој ќе се игра во Скопје, вклучувајќи и резервацијата на билетите и цената за истите, ќе ги соопшти на 13. јуни.
Аплицирањето за билети за Супер купот меѓу Реал Мадрид и Манчестер јунајтед ќе може да се реализира преку основната официјална страница на УЕФА (на следниот ЛИНК), на кој во меѓувреме, до 13. јуни, ќе може да се следат и сите новости околу Супер купот 2017. Плаќањето на билетите, по нивната резервација и купување, ќе може да се изврши исклучиво со Мастер кард и Виза кредитни картички.
Како што е познато, дуелот меѓу Реал Мадрид и Манчестер јунајтед на националната арена „Филип Втори“ во Скопје се игра на 8. август од 20:45 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
