Конфликтот меѓу УЕФА и ФИФА од една страна и Европската супер лига од друга страна е префрлен во Европскиот суд на правдата, каде што ќе се реши еден од најголемите спорови во историјата на фудбалот.
Проектот за Супер-лига доживеа пад пред повеќе од еден месец, но далеку од тоа да биде крај на една од најконтроверзните одлуки на денешницата. Според последните информации, случајот завршил пред Европскиот суд во Луксембург, а клучниот спор е во тврдењето на клубовите основачи дека УЕФА и ФИФА го прекршиле правилото за натпреварување што важи во Европската унија и дека ќе мора да плати одредена сума на пари.
Се додава дека целата постапка може да трае со месеци, но поради итноста на ситуацијата, таа треба да се реши до почетокот на следната сезона во Лигата на шампионите. Знаејќи дека ова е највисока инстанца кога станува збор за законодавството, одлуката донесена од Европскиот суд на правдата ќе биде обврзувачка за националните судови и може да направи пресврт кога станува збор за судбината на европскиот фудбал.
Покрај ова, се посочува и дека клубовите основачи, и покрај повлекувањето по острите реакции, не се официјално избришани од регистарот на членови на Супер-лигата, иако засега остануваат само Реал Мадрид, Барселона и Јувентус.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
